غرامك صار عنواني وانا قبلك بلا عنوان

السلام عليكم ورحمة الله وبركاته


كيف الحال ان شااء الله بخير..!!

أتمنى أن تحوز على رضاكم اخواني واخواتي

※غرامك صار عنواني وانا قبلك بلا عنوان※

محمد عمره 32 اكبر واحد في العيله متزوج من 4 سنوات وعنده ولد (سلمان ) يشتغل مدير ماليه في شركة الوالد والكل يحترمه واذا مر في مجلس تفز له المجالس من هيبته وقلبه طيب والكل يحبه
منصور عمره 26 يشتغل في شركه خاصه (بزنس لحاله )... بس نكوووتي وماخذ الحياه بكل بساطه ... وتهمه الحريه الشخصيه

سلطان *_* عمره 23 يدرس في جامعة نيوكسل في لندن ويتمز بجاذبيته ولون بشرته الحنطي وسكسوووكته ( لا تعليق ) لكنه مغرور حبتين وعنده اخت توم له

سهر عمره 23 وهي التوم لسلطان وتدرس قسم محاسبه في جامعة الملك فيصل ومملوووحه مثل اخوها سلطان ويتشابهون نوعا ما لكن الفرق بينهم ان لها غمازه وحده في خدها اليمين . وهي البنت الوحيده والدلوعه في العائله وقريبه من امها كثير وتعبرها صديقتها .بس فيها غرور حبتيين


عائلة ابو نايف (عبدالرحمن )

نجلاء عمرها 26 متزوجه ولد خال امها فهد وحامل في البيبي الاول واهل زوجها مطلعين لها قرونها مع انها بنت ولا كل البنات جمالها متوسط لكن فيها براءه. كانت راح تتزوج من محمد لكن ماحصل نصيب

نايف عمره 22 شخص هادي وذا تكلم سوالفه ماتنمل ووسيم يدرس طب وكل همه دراسته وشغله وماعنده تفكير ثاني غير الدراسه وتحقيق الطموح .

نجود عمرها20 دلوعه وماتحب الا نفسها وتشوف الناس من طرف خشمها ومررره كيووووت شكلها وتهتم بالموضه والميك اب .ومغرووره كثير ومايعجبها اي شي

بسمه عمرها 19 في تدرس ثاني جامعه واهتمامها الرسم وعايشه في عالم ثااااااااااااااني
خاص فيها وستايل خاص فيها يعكس شخصيتها .مسالمه وهااااااديه


..:: وماودي احرق عليكم باقي الشخصيات القصه من .. ابطال .. اطباع .. حب .. غيره .. غربه .. حيره .. غرور .. طموح .. زواج .. الخ .. اتمنى تكتشفونها بنفسكم ::..
.


.


.


(الجزء الاول)
الفصل الاول

"غنوا لحبيبي وقدموا له التهاني ..في عيد ميلاده عساها ميه عام "
" افرح حبيبي واطلب اغلى الاماني في عيد ميلادك عساها مية عام "

تسللت خيوط الشمس سما الشرقيه وتملي الدنيا ضياء وبهجة بعد إطلالة يوم جديد حافل
بالحيوية و النشاط
هناك بيت بو نايف الذي يوجد في احدى احياء الخبر الراقيه في حي قريب ومطل على البحر في يوم معتدل الجوء تلطفه نسمات الهواء وبعض حبيبات الغبار
وفي احدى غرف القصر كان هناك حماس وحوسه ودنيا مقلوبه فوق تحت
....: ياربيييه وش البس مع هذي التنوره توب رماني ولا اخضر اففففف لالابغير ماراح البس تنوره همممم بس لا اكيد بيجون اصحاب نجوى وعيالهم واكيد بيكشخون ماقدر البس لبس عادي .
فتحت صندوق الاكسسورات وطلعت الاكسسوار الي كانت منسقته مع التنوره والتوب وقعدت تناظر فيه " لالا ماني بلابسته هذي اكسسورات عاديه وهذي حفله سلمان واكيد الكل متحمس لها اجل لازم ادور غيره "
فتحت شوي من الباب وطلت براسها وهي تنادي
....: بسوووووووووووم بسوووووووووووووم
..: ياربييييه بسوووم ردي
فتحت بابها بسمه ووقفت قدامها وكتفت يد وتأشر بيدها الثانيه: هي هي وين حنا فيه ماعندك اعلى من هالصوت .... نعم وش تبين ؟
...: بسمه حرام عليك تعالي معي شوفي وش اللبس.؟ " فتحت عيونها " وانتي لسا مالبستي..؟ يابرود اعصابك
بسمه وهي تتأفف: نجود واللي يعافيك تراها حفله عيد ميلاد مو حفل استقبال ولا ملكه البسي شي
Simple
نجود: ياحلوه لاتنسين ان نجوى اكيد بتعزم اصحابها واكيد فيه بنات واكيد بنات عموومتي بيجوون.

بسمه وهي تضحك على سطحيه اختها : طيب طيب ترى عاد بنات عمتي يعرفونك ويعرفون ايش لبسك ماله داعي تتحمسين زياده و...
قاطعتها نجود : لاوالله اوكي واصحاب نجوى اول مره بيشوفووني ويشوفوني بشي عادي اقول لايكثر هرج وتعالي هنا شوفي ايش البس
تأففت بسمه ومشت تساير اختها.. دخلت الغرفه ورمت نفسها على السرير وحطت يدها على خدها وجلست تطالع اختها وتعطيها رايها بكل شي تطلعه
وبعد حوسه وبعد مانقلبت الغرفه فوق تحت جهزت البرنسيسه نجود
اما بالنسبه لبسمه كانت قمه في البساطه كانت مجعده شعرها فكانت لابسه فستان بنكي يوصل للركب حرير وكان له فيونكه من ورا وكانت حاطه ميك اب خفييف ونااعم بلاشر بنك وكحل ازرق ومسكارا وقلوس بنكي حتى بدون فونديشن لان بشرتها مره تجنن صافيه وفاتحه وكانت لابسه صندل شوي رفيع وفيه كرستاله فيونكه من الجنب.
بعد ماخلصت نزلت تحت وهي تنادي على "تانتي" خدامتهم وكانت تامرها تجيب عبايتها وطرحتها ونزلت تحت في صالة الاستقبال وكان مقابلها مرايه كبيره تقدر تشوف نفسها وكانت تناظرها وراضيه على نفسها رضى تام ولفت للجهه اليمنى وشافت نايف في الصاله المفتوحه المطله على المسبح الخارجي ومنظر الاشجار والورود الي مزيده من جمال القصر والانوار الي تشتغل بعد غروب الشمس وتظهر جمال وروعه القصر شافت اخوها نايف قاعد بالصاله ويهز رجوله وبيده ملف ..
اول ماشافها حط الملف على جنب وقعد يناظرها وصلح جلسته
نايف:اوه اوه وش هالكشخه وش هالجمال ولا اليسا
بسمه وهي مبتسمه وحاجب واحد مرفوع : نيووف وين تشبهني في اليسا حرام عليييك
نايف: امووت على الثقه اجل وين البرنسيه الجميله
بسمه وهي تضحك :نايف والي يعافيك اسكت مافينا حيل عليها الحين تنزل كاشخه وفيوزاتها ضاربه لوووووول ماشفت شسوت فيني بس عشان تختار البس بليييز خلنا كذا حلوين .
نايف : ههههههههه الله يهديها بس
بسمه وهي تناظره: همممم وش رايك توصلنا احسن من السواق عشان ودي احط دهن العود من هنا تعرف مع السواق مقدر
نايف وهو يفكر: شوفي على حسب نزلت البرنسيسه الحين اوكي بس اذا تأخرت انا والله عندي مشوار

"شوي يوصله صوت من بعيد"

نجود : من هي البرنسيسه هاااه
نايف بصوت واطي: حشا وينها فيه الحين
بسمه وهي تضحك:هذي هي وراك
نايف وهي يغطي على نفسه: واااااااااااااااو مستحيييل ماصدق ماصدق من انتي؟؟
نجود بغرور: انا نجود بنت عبد الرحمن ........
نايف: والنعم بس لايكثر يلا بسرعه خل نطلع
نجود: اوه اوه انت الي بتوصلنا وش هالتطور
نايف وهو يناظر بسمه: شفتي هي الي بتخرب عليك بسرعه الحقوووني
مشى عنهم ورجع : اوووه
"واخذ الملف وطلع من القصر ولحقوه نجود وبسمه وظهرر مفتاح السياره من جيبه وفتح السياره وكل وحده خذت مكانها وطلع الريمونت حق الكراج من جيب السياره وفتحه وانطلقوا "
.
.
.

من ناحيه ثانيه وفي حي قريب من حي بيت بونايف ونفس الشي في احدى قصور منطقه الخبر المعروفه كان القصر تحفه وتحول من قمه الفخامه الي قمه اجواء الطفوليه و الوناسه والزينه الي كانت تحشو الممرات طبعا كان بأشراف "سهر" الي سوت كل هذا عشان سلمان لانها تموووت وتحيا بشي اسمه سلمان لانه هو الشخص الوحيد الي يونسها وقت ماتكون طفشانه وهو الي يضحكها لمن تكون زعلانه فكانت تتحمس لعيد ميلاده بما انها البنت الوحيده وتؤامها "سلطان" الي مااكان موجود والي كانت تتمنى انه يكون موجود وبما انه منصور دايما مشغول عنها ..
كانت مزينه البيت بالدبب وحركات العيد ميلاد
اما عن شكلها فكانت مسيحه شعرها ونافخته من ورا وكانت حاطه فونديشون خفيييف وراسمه عينها بالكحل الاسود الي يبين جمال وبريق عيونها اللوزيه وبدون اي شدو وكانت حاطه بلاشر شوي على فوشي وقلوس فوووشي
وكانت لابسه بلوزه فوشيه على اللون البنفسجي حق ((كاري ميللن)) بالتحديد وتنوره فوق الركب تكون بدايتها جينز ماسك على الجسم ومن تحت متدرجه على 3 طبقات وكان فيها شغلات مررره ناااايس وكانت لابسه شووز بلارينا يساعدها على الحركه..

وشوي توصل اخت نجوووى " غزل " ومرت اخوها"سميره ام بندر" وولدها بندر وبنتها لجين
وكانت غزل قمه في الاناقه كانت مستشوره شعرها الي يوصل لاكتافها وكانت قصته "الاسد" وكانت حاطه برونزاج وروج احمر وكحل ابيض من داخل العين وموسعه عينها بالكحل الاسود الي ماكنت وسيعه مره بس عيونها جذابه وكانت حاطه غره على الجنب والجنب الثاني كرستاله ذهبيه ولابسه تنوره منفوشه شوي توصل للركبه وبعدها بشوي.. سوده دنتيل ومبطنه بقماش حرير وتوب اسود ماسك على الجسم وفيه شغلات بس الي يغلب عليه الدنتيل والي يشووفها يفكره فستان وبين التنوره والفستان حزام ذهبي ممليته على خصرها وصندل اسود رفيع شوي وكان يلف على بدايه الرجل بس .
.في النهايه كان شكلها جذااب..

من جهه ثانيه وفي الانترنس
"Entrance"
كانت نجود وبسمه يصلحون اشكالهم وفسخوا عباياتهم وعلقوها في العلاقه المخصصه لضيووف
بسمه: نجود كنه غرتي يبغالها تصليح
نجود وهي تناظرها : اي صح سيحيها اكثر ..هو انتي جبتي الاستشورا المحمول
بسمه : هاااه لااا ماجبته بس بروح الحين حق سهر واخليها تعطيني وانتي ادخلي على المعازيم وسلمي واذا سألوك عني قولي لهم بتساعد سهر وبتجي اوكي
نجود: اوكيشن "صلحت شعرها وضبطت شكلها العام ومشت وهي راضيه على نفسها "
دخلت على الصاله المقرر للمعازيم يجلسوا فيها وكانت اصوات الكاسات وضحك العيال واصله لبرا وكانت ضحكاتهم تملي المكان دخلت نجود مبتسمه وهي بكامل زينتها
حتى انها كانت لابسه برمودا سودا ماسك على الجسم وفوقه تنوره بيربري مجعده وكانت لابسه توب بيج كات وكان فوقه جاكيت اسود ويكون على الجسم حتى انه مايسكر عشان يبين التوب وكان على الجوانب علامة بيربري وماكان كمه طويل يعني لبعد الكوع وكانت لابسه ساعتها الكونكورد واسواره كلها دايموند" الماس" واسوراه سوده من "بولغري " مع سلاسالها وحلقانها
"يقال انها ماركه لووول " وشووز
flat
مشت ودخلت على المعازيم وهي بأبتسامتها الحلوه وبدت السلام على الكل ..وتسولف شوي مع الي تعرفهم
.
.
.

اما من ناحيه ثانيه راحت بسمه تدور على سهر ولقتها بغرفه الطعام الفخمه وغالب عليها ستايل الكيووت اكثر لانها زايدتها بشغلات بيبي وكانت تشرف على الخدامات يرتبون الشوكلت وهذي الشغلات
رفعت راسها سهر والا تشوف بسمه ابتسمت لها ابتسامه وبغمزه
سهر: اوه اوه وش هالحركااات مانتحمل كل هذا يطلع منك يالملعونه اخس اخس
بسمه: ههههههه تراي استحي المهم كيف الترتيبات تحتاجين شي
سهر: لاقلبوو خلصت الحين جايه لكم
بسمه: اوكي سهووره تعالي معي فوق ابي اطلع اصلح الغره الجميله لووول
سهر: لاتكفيين اطلعي مافي حد البيت الضيوف ماليه البيت صلحيها وانزلي ووبعدين لاتسوين لي فيها تستحين
بسمه استحت من ردها لانهم يموونوون مره على بعض: لالا امزح لووول بس استأذن يلا اجل انا طالعه
ومشت بسمه واكتشفت انها اجباري تمر من الصاله الي فيها المعازيم وماكانت تبي حد يشوفها الا لمن تكون خالصه اضطرت تطلع برا وتدخل من المطبخ وعلى طول الاسنسير وتوصل فوق
طلعت برا ومرت من المطبخ وراحت مكان ما الاسنسير موجود الي كان قزازه شفاف فتحت الاسنسير ودخلت وقعدت تدور البروشور الي بتثبت فيه الغره انفتح الاسنسيرعلى الدور المطلوب ارفعت راسها وتيبست واصدر منها شهقه مسموعه للي يوقف جنبها
رفع راسه لانه كان يلعب بالموبايل حقه الا ويتصنم الا والاسنسير بيسكر قام وضغط يوقفه همس
....وهو منصدم : مين ب بـسمـه؟
بسمه وهي خايفه ومتلعثمه بصوت خافي: اسفه ماكنت ادري في حد هنا.
ونزلت من الدور وركض على غرفه سهر
كان وده يلف ويشوفها ولكن احترمها بكونها قريبته "كان مستغرب كيف انه عرفها لانها هي ماتغطي اصلا فكان يشوف وجهها اما هالمره شافها بدون غطا وبدون عبايه .... والله وكبرتي يابسمه "
دخلت الغرفه وسكرت الباب ووقفت وراه تحس كنه قاعد يلحقها وتتنفس بقووه وماهي عارفه شتسوي حتى وجهها انقلب بعدين ابتعدت حست انها فكره غبيه انه يلحقها وين حنا فيه وراحت عند المرايه وهي تطالع وجهها وتحاول تهدا بعد ماهدت شوي ارتسمت على شفاتها ابتسامه حلوه وفي خاطرها " مملوح والله ماهو مثل مايقولون "وحطت يدها على وجهها وهي تقول"وانا بعد شكلي ماكان شين " وقعدت تنفض راسها" لاا ياربي وش هالافكار وليه شاغله نفسي فيه ماصار شافني بالغلط وبعدين هو متزووج اوه خلني اسوي غرتي واصلح شكلي وانزل "

.
.
.

من جهه ثانيه في القصر كان صوت الدي جي والاغاني واصوات الزمامير وتفقع البلونات والضحك ماكله الجو كانوا كل المعازيم مبسوطين وماكان في قلب احد منهم شي على الثاني وكانت البسمه مرسومه على شفاه كل حرمه وكل بنت وكل طفل وحتى الخدم الي يتذمرون من الشغل وهذي الاجواء لانهم عارفين وش بيصير بعده لووول كانوا مبسوطين على الاجواء واستهبال البنااات
وفي هذا الاثناء وصلت بسمه وبدت تشاركهم الفرحه
بسمه :ايوا ايوا عاشو البناااات عاشوا
سهر بصوت عالي وهي تغني : في كل ديره مثلها مايصير ماكل مخلوق مثل مخلوق من شافها قلبه وراها يطير يتبع هواها بالغلا والشوق"وتحرك بوجها يمين ويسار بدلع وتحرك يدينها بالسما "
ردوا عليها البنات بصوت واحد : بنت السعوديه بنت السعوديه
غزل وهي ترقص بشعرها وتغني: وغزل في كل ديره مثلها مايصير
لفوا البنات عليها وهم يضحكون ردت وحده منهم وهي تقول: على تبن قصدك انو مثلي انا مايصير
قاموا البنات يضحكون وكملوا رقصهم
والحريم مبسوطين عليهم
اديم : بنااات حطوا شريط راشد الماجد الجديد مرره يرقص
سهر: والله مدري وينه كنت ادور عليه منصوور خذه معه ولاجابه
اديم وهي تصارخ : بشووف وصايف تمووت في راشد بشوفها اذا جابت الشريط...وصااااااااايف
وصااااااايف
لفت وصايف عليها الي كانت تصلح سلسالها وهي تناظرها
اديم : وصايف جبتي شريط راشد الماجد
وصايف وهي شاقه الضحكه :
تبوني اشغلهYap
البنات سمعوهاوقالوا: اي اي شغليه يلا
وعلى ماكانت تجيب الشريط بدا التعليق على شريط الماجد الجديد
وصايف جابته وشغلته وكان على مقطع
"الله لم تكلم كنك تغني ترنم والورد منك تعلم والشاعر يضيع شعره "
صرخت وصايف : واااااااو وااااو هذي لي هذي لي"وبدت تغني " كنك تغني ترنم والورد مني تعلم " وقامت تناقز"
والبنات يضحكون وصاروا يرقصون ويرقصوون
حتى جا وقت جمعوا البزران كلهم وودوهم غرفه الطعام الكبيره كانت الالوان خافته شوي وصفوووهم على الطاوله وعلوا على صوت المسجل ومشغلين غنوا لحبيبي
وبدوا يصفقون ويغنوون معه بس خلصت الكل صار يصرخ والي يصفق والي يصفر بأصابعه
قامت سهر شالت سلمان ومسكت معه السكين وقطعوا القاتو معه وبس خلص الكل صفق وبدوا البزارين والبنات والحريم ياكلون
اديم وهي تضحك : ههههههههههههههه جنووو وين الريجيم وخلاص ببدا وماراح اكل معكم هههههههههه اقول قومي مناااااااك
قاموا يضحكووون البنات
غزل: اديموووه حرام عليك الا هو يوم واحد
جنى: عاشت عاشت فديييييييتس انا
اديم: يووه ياغزل ترى الحين تصدق وتحلل اليوم الواحد تحليل
قاموا البنات يضحكون
سهر: ماعليك منها كولي هو كل يوم بيجي اكل مثل كذا وبعدين انتي تووك 15 سنه العمر قدامك كلي واشبعي وبعدين فكري بالهريجيم والخرابيط
عاد هنا جنى تشققت: عاااااااااشت سهرر ياربي كم بتحمل انا صدق لاقالوا العقل السليم في الجسم السليم
قاموا البنات يضحكون عليها
ردت اديم: عاد انتي لاجسم سليم ولا عقل سليم هههههههههه
البنات يضحكون عليها وردت بسمه : يوه يوه اديم خفي عليها شفيك
جنى: قولي لها ناشبت لي نشب واقفه هنا" وتأشر على بلعومها"
وقاموا الكل يضحكون
خلصوا اكل وقاموا يفتحون الهدايا مع البزارين
وسلمان كان مبسووط مررررررره الدنيا مو شايلته من الوناسه لذا قرر في هذا العيد ميلاد يفتح الهدايا لان كل عيد ميلاد مايرضى يخاف حد يسرقهم ههههههه او بلاحرى لان ولد جيرانهم مو موجود لانه دايم ياخذ العابه
وصايف: هااه بنات نقووم نرقص
جنى: لاوالي يرحم والديك مافيني اتحرك حركه وحده ارجع كل الي كلته
ضحكوا البنات عليها
وصايف : الله يفشلك حلاتك تسوين نفسك سمينه بس خفيفه مو ثقيله
رجعوا البنات يضحكون
جنى: كفايه مجاملات هههههههه "والبنات بعد يضحكون"
غزل: لالا شوفوا ماحنا براقصين صادقه جنى الحين نرجع كل الي اكلناه هممم انا اقولكم وش نسوووي "وهي تفكر"
وصلت سميره ام بندر مرت اخوها وهي تقول: يلا غزل جهزي نفسك فهد هذا هو بالطريق
سهر: لالالالالالا تفكين ياسميره خليها عندنا انا مستعده اوصلها مع اخوي محمد او مع السواق تونا بدايه السهره بعدين تونا في يوم الخميس كلها يوم خليها تكفيين
سميره : لااخاف عمتي ماترضى تقعد بالبيت اكثر من كذا
سهر: لاتخافين بكلمها وبقولها بعدين هي بيت خالتها قبل لايصير بيت اختها ماهي ببيت غريب
سميره: غلبتيني هالمره "وغمزت لها"خلاص كلموا عمتي وقولوا لها
غزل: هيو هيو كل مره بسكت وبقعد اناظر الناس تتخاصم علي
سهروهي تضحك: هههههه مالت عليك مو عشان شي عشان تكملين العدد باللعبه الي بنلعبها لازم يكون عددنا متساوي"وتطلع لسانها"
غزل وهي بتوقف : اجل انا اوريك يلا يلا انا بروح سمييييييره انتظريني
بسمه: هههههههه ماعليك منها تستهبل خليك
غزل: لا بس استهبل لوووول
كلموا ام فهد واستأذنوا منها طبعا في البدايه خافت فيه كلافه بس بعدين اقنعوها انه عادي ويمونون
بعد خمس دقايق
سميره: غززززززززل غززززل
غزل وهي ميله شفايفها: هاااه لايكون الوالده غيرت رايها
سميره وهي تضحك : ههههههه لا فهد وصل بس قومي شيلي لجين عني لاني بطلع بندر والاغراض
غزل وهي قايمه: واااااه اوكي " وهي تناظر البنات" استنوا لاتلعبوون برجع لكم
اما البنات كانوا يلعبوون لعبه حلووه وتوونس وهي
انه كل وحده من البنات تختار رقم ويكون الحد الاخير للارقام الي يختارونها بنفس عددهم مثلا اذا كان عددهم 10 يكون اقصى رقم يختارونه 100 واذا كانوا 7 اقصى عددي يختارونه 70 وكذا.....
وانهم بعد مايختارون الرقم يصيرون يطبطبون "يطقون" بيدينهم على الطاوله بيدينهم ووحده تقول
Stop
وكل وحده لها الحريه تحط يد وحده او يدينها او ماتحط اي يد حيث ان كل يد عباره عن 5 ووحده منهم تعد اذا كانوا عدد الايدين بنفس الرقم الي اختارته وحده من البنات تطبق يدينها على بعض وكل وحده منهم تضربها من الجهتين واذا قالت "اح " او " اي" او اي شي من هالقيل تطلع برا

مشكوووووووووووووووووووووووووووووووووووره اختى الغاليه على الموضوع الروعه منج والسموحه منج اختى



بطرانه

يسلموووووووووووو على المووووووووضووووووع يعطيك العااااااااافيه