الرئيسية
السلام عليكم ورحمة الله وبركاته
,*
هذي قصه حقيقة لطالب في احدى الجامعات في الرياض
عن لسانه صديقه يقول : والله العظيم اني لم اره في حياتي متكدر
او متضايق او مزاجه عكراومهموم
والله لايدخل عندنا القاعه الاوهومتبسم
ومبسوط ونفسيته والله العظيم لاتقارن بغيرها
والله ماهو ملتزم يعني وماهو مطوع ولاهو الي متشدد
ولد طبيعي زيه زي اي شاب من شباب الرياض
ولكن معروف عنه مايترك الصلاه ابدا يصليها بوقتها
ومع ذلك طبيعي يطلع يروح يجي
اعرفه من 17 سنه مع اني اقرب المقربين له ماعلمني انه كافل
لكني اكتشفت لما ركبت معاه السياره ونزل هو يشتري من اسواق التميمي
فتحت الدرج حق سيارته بطلع شريط ولقيت ظرف وانا طبيعتي ملقوف
فكيت الظرف وهنا صراحه صعقت اكتشفت انه كافل ثلاث ايتام وحده عمرها 18
ووحده 8 سنين ووحده سنتين والله اني بكيت سبحان اللي يسرله هالعمل الصالح
والله ياناس مو باين عليه ابدا يوم رجع وركب السياره طبعاً هو مرح جدا طلع
توكس وصقعه بخشتي قال خذ واستغرب اشفيني وقال شفيك قلت ولد انت كافل ايتام؟
هو برطم وسكت شوي وضحك قال امممممم ايه
قلت امانه وشو اللي خلاك تسوي عمل عظيم زي كذا...؟!!!
قالوالله السبب واحد قريت حديث عن الرسول صلى الله عليه وسلم يقول
(( انا وكافل اليتيم في الجنه كهاتين ))واشار بيده بالسبابه والوسطى وفرج بينهما قليلاً
وقال والله العظيم ان اموري كلها ميسره بشكل ملحوظ ووالله
ان ربي ساترني ورب الكعبه ان الفلوس ماتنقصني
وابوي وامي راضين علي واقسم بالله ماقد صعبت علي حاجه
ونفسيتي مرتاحه وكل شي نفسي فيه عندي والله انتم ماتدرون عني اقسم بالله
اني عايش بيني وبين نفسي حياه ثانيه انتم ماتحسو فيها ماعندي مشاكل ماعندي شي يزعجني
مهما اوصف ماراح تحسون في اللي احس فيه
فقلت له ابي اكفل زيك قال خلاص ورحنا اليوم الثاني المكان اسمه
مؤسسة مكه المكرمه الخيريه
هم لهم كذا فرع بالرياض والسعوديه وفروعهم هي :-
مكه + المدينه + جده + الطائف + الخرج + الدلم + الافلاج +الدمام+ الاحساء + الخفجي +
حفرالباطن+ حائل+ الزلفي+القصيم
والكفاله للأيتام داخل السعوديه200 ريال
والكفاله للأيتام خارج السعوديه 100 ريال
اتمنى من الجميع المبادره والله المبلغ جدا زهيد احنا نصرفه في اشياء تافهه
والله صدقتنا هذي تنفعنا يوم القيامه
وأسأل الله ان لايحرمنا الاجر جمييعاً
م/ن للعظه
]
