ليه أضحك؟!

ليه أضحك وأنا كلي طعون
وأرسم البسمة وأنا داخلي محزون
أبصرخ الآه وبخلي الناس يعرفون
هالألم اللي داخل القلب مكتوم
تظن نفسك عزيز وماتهون
وانك بنظرة تخلي الكل فيك مفتون
وانك بكلمة يصير لك ألف هايم ومجنون
وانت...






انت فعلا عزيز وماتهون
وأنا قبل أشوفك صرت فيك مفتون
أدري جرحتك بس أحبك أكثر من اللي تخبره الظنون
وأحب إسمك ورسمك ولو عاتبوني يخسؤن
ماعاش من يستهين بمقامك لو مين يكون
ولا عرف قيمة غلاتك لو على سطح القمر يطلعون
وانت دامك تخيرت الطريق يلا قوم
استل سيفك من الغمد وبلهيب نارك خليه محموم
واقطع حبل الوصال بحد سيفك المسنون
ولا تفكر في العواقب ولا تفكر وش يكون
وإن جاك في يوم اسمي اكتب عليه مرحوم
وبأبيض الأكفان لفه ولا تشيل هموم
بكون بخير دام بُعدي يزيح عنك أشكال الغموم
وقبل تغطيني بالتراب إرمي معي كل الهموم
خلها تسامر وحدتي وأنا بين الثرى وروحي بالمتون
وارفع ايدك للسماء و رِد لطيبتك يالحنون
وقول يارب كان يحبني لحد الجنون
يارب أرحمه وأغفر له ياعالم المكتوم
بعدها يالغلا عيش عيشة الأحرار من ضيم السجون
وأنا خلني مع الدود وصمتي المكلوم
الحزن لكل الناس مع الأيام مقسوم
وأنا راضي نصيبي دامه قدر والقدر محتوم