الرئيسية
السلام عليكم ورحمة الله
مساكم الله بالخير
اليوم حبيت انزل موضوع حلو اتمنى من الكل يحاول يطبقه لأنه وااايد سهل ولذيذ
كنت من عشاق هالسويت وكنت ادور الحريم الي يبيعونه فالمنتديات قبل ما اعرف الطريقة
لين هاك اليوم قررت اني اسأل واعرف مكوناته عسب مب كل مرة اخسر من جيبي على هالسويت ^__^والحمدلله تم البحث والتقصي لين عرفنا الطريقة
مكوناته وايد بسيطة وسهلة من جذا اباكم اتجربونه وتعطوني رايكم
حبيت ابتدي الشغل بريد بول لأن صارلي كمن يوم مب راقدة فأخاف اتعب وانا اشتغل فالمطبخ واصور
هاي المقادير:
جيسين من بسكوت الجاي
6حبات كيري
علبة حليب مركز
2قشطة
3ككاو فليك
اعواد خشب
ككاو هيرشي السائل
(حسب الرغبة زبدة+فانيلا)بس انا ما صورتهم
اول شي اطحن البسكوت
عقب اطحن الفليك ويا طشوونة بسكوت مطحون عسب ما يعلق فقاع الخلاط
عقب اظيف القشطة
الزبدة اهنا اختيارية مب اساسية بس انا ذوبتها عساس يكون عندي البسكوت يلامع وفهالمرحلة اظيف الفانيلا يدووب نص خاشوقة عسب اتظيف ريحة حلوة وطعم حلو
احينه اكور البسكوت واحطه فالثلاجة10دقايق عسب يتماسك
احينه اييب الكيري ومثل ما قلنا6حبات
والحليب المركز
واظرب بالخلاط
عقب اطلع البسكوت واحط فووقه طبقة الحليب والجبن
احينه ازين بالهيرشي ,,طبعاً ما زينت عدل >_<لأني كنت اصور ومرتبشة
احينه اظيف الاعواد ,,احس شكله دفش وااايد لأني ما اتحكمت عدل بس اهم شي انه طعمه حلو^___^
واهنا صوورة ثانية ...
وهذا الكيك سويته بالوقت الي اطحن فيه البسكوت^_____^بعلمكم اياه المرة اليايه,,هالكيك خفيف وااايد عالمعدة ومافيه واايد شكر ,,حلو تاكلونه العصر ويا الجاي ,, سويته عشان الوالد الله يحفظه واستانس عليه لأنه مب وااايد دسم وينفع للي عندي سكري وضغط
بس ملااحظة اخيره ,,ممكن تعكسوون المقادير بين الحليب المركز والقشطة
يعني اتظيفين الحليب المركز ويا البسكوت والقشطة اتخلينها ويا الكيري ^____^وكل طريقة احلى عن الثانية ,,انا مرة اسويها جذا ومرة جذا ^____^
والسموحه منكم
مساكم الله بالخير
اليوم حبيت انزل موضوع حلو اتمنى من الكل يحاول يطبقه لأنه وااايد سهل ولذيذ
كنت من عشاق هالسويت وكنت ادور الحريم الي يبيعونه فالمنتديات قبل ما اعرف الطريقة
لين هاك اليوم قررت اني اسأل واعرف مكوناته عسب مب كل مرة اخسر من جيبي على هالسويت ^__^والحمدلله تم البحث والتقصي لين عرفنا الطريقة
مكوناته وايد بسيطة وسهلة من جذا اباكم اتجربونه وتعطوني رايكم
حبيت ابتدي الشغل بريد بول لأن صارلي كمن يوم مب راقدة فأخاف اتعب وانا اشتغل فالمطبخ واصور
هاي المقادير:
جيسين من بسكوت الجاي
6حبات كيري
علبة حليب مركز
2قشطة
3ككاو فليك
اعواد خشب
ككاو هيرشي السائل
(حسب الرغبة زبدة+فانيلا)بس انا ما صورتهم
اول شي اطحن البسكوت
عقب اطحن الفليك ويا طشوونة بسكوت مطحون عسب ما يعلق فقاع الخلاط
عقب اظيف القشطة
الزبدة اهنا اختيارية مب اساسية بس انا ذوبتها عساس يكون عندي البسكوت يلامع وفهالمرحلة اظيف الفانيلا يدووب نص خاشوقة عسب اتظيف ريحة حلوة وطعم حلو
احينه اكور البسكوت واحطه فالثلاجة10دقايق عسب يتماسك
احينه اييب الكيري ومثل ما قلنا6حبات
والحليب المركز
واظرب بالخلاط
عقب اطلع البسكوت واحط فووقه طبقة الحليب والجبن
احينه ازين بالهيرشي ,,طبعاً ما زينت عدل >_<لأني كنت اصور ومرتبشة
احينه اظيف الاعواد ,,احس شكله دفش وااايد لأني ما اتحكمت عدل بس اهم شي انه طعمه حلو^___^
واهنا صوورة ثانية ...
وهذا الكيك سويته بالوقت الي اطحن فيه البسكوت^_____^بعلمكم اياه المرة اليايه,,هالكيك خفيف وااايد عالمعدة ومافيه واايد شكر ,,حلو تاكلونه العصر ويا الجاي ,, سويته عشان الوالد الله يحفظه واستانس عليه لأنه مب وااايد دسم وينفع للي عندي سكري وضغط
بس ملااحظة اخيره ,,ممكن تعكسوون المقادير بين الحليب المركز والقشطة
يعني اتظيفين الحليب المركز ويا البسكوت والقشطة اتخلينها ويا الكيري ^____^وكل طريقة احلى عن الثانية ,,انا مرة اسويها جذا ومرة جذا ^____^
والسموحه منكم
